9/11 表弟畢業影相日 雖然在12日要交兩份功課....但表弟影畢業相....我沒理由不出席....仲盛裝出席 (其實都係着番平日番工的衫).... 那天的主日學忽然做了領詩和主席....仲講埋訊息....預備的遊戲....小朋友玩得好投入.....這是我渴望看到的....相反自己覺得預備不足....沒有以前那麼的盡力....為甚麼呢?....或者實在太多野要做....或者實在平日番工都要對著小朋友....或者我每星期五學校的大和小團契已用盡我個腦..... 完了小組....去合作社....剛巧遇到心腹家庭....不好意思都要問可否車埋我去 Poly U....因為我知道佢地每星期日都去那兒的....咁心腹爸爸就好好咁吃完飯係合作社出面等埋我..... 在車上我都係同從不說話小男孩"單向式說話".....同玩按拇指....麻芝菇遊戲.....佢真係好天真....一而再....再而三被我用說話騙到佢拎轉身....等我按到他的拇指....佢仲笑到出聲....但始終都係唔講野.... 今次表弟影相....有姑姐...姑媽...姑丈....爸媽...妹妹....表姐和表弟的女朋友....珍惜一起的時光....家庭對我來說是十分重要.....我也是一個幸福的人....嫲嫲和婆婆兩面的都是大家庭.....而表弟姐妹更是與我一起長大......讀埋同一間幼稚園....小學和中學....甚至暑假會一起學游泳....參加社區中心辦的汽水廠....McDonalds...報館參觀....他們是我最後的防線..... 影完相....還一起在 Poly U食 tea....剛巧坐在我們隔離桌的是心腹爸爸和暉暉.....心腹爸爸仲走過來同我爸爸打招呼....不過佢地兩個都幾攪笑．．．係度握手．．．爸爸又問心腹爸爸貴姓．．．而心腹爸爸就同我爸爸說：你個女成日都好幫得我個仔手．．．．攪到我勁唔好意思．．．．爸爸仲係咁叫暉暉去叫野食．．．不過這小鬼怕醜無食到．．．我話換轉係我請．．．．佢一定食．．． 之後同妹妹和表姐行左利時．．．我應該自中學後都無行過．．．以前會同 Ｐｉａｎ 行的地方．．．．之後去了嫲嫲家食晚飯．．．仲係她的家影左不少畢業相．．．．她見到我們這麼多人一起上去食飯．．．．不知幾開心．．．． 這一天．．．我覺得好ｒｅｌａｘｅｄ．．．行街真係可以差電的．．．雖然沒有買任何東西．．．．美滿的一天．．．． | 
